ບໍລິສັດພາຍໃນ ສປປລາວ ພ້ອມກັບປະສົບການສາກົນ ແລະ ຮອບດ້ານ

ບໍລິສັດລາວໂກເບີນເອັນຈີເນຍລິງແອນດີວີໂລບເມັນ ຄອນຊາວຕັນຈຳກັດ (LGE) ໄດ້ຖືກສ້າງຕັ້ງຂຶ້ນໃນລະຫວ່າງກາງປີ 2012 ໂດຍນັກທຸລະກິດໜຸ່ມນ້ອຍໃນ ສປປລາວ ໂດຍພື້ນຖານຄວາມຮູ້ຄວາມສາມາດ ແລະ ປະສົບການໃນຂະແໜງວິສະວະກຳໂຍທາ ແລະປະຕິບັດໜ້າທີ່ການເຮັດວຽກແບບສາກົນ.
ເບື້ອງຕົ້ນທຶນຈົດທະບຽນຂອງ LGE ລວມທັງຊັບສິນຄົງທີ່ ແລະ ທຶນໝູນວຽນເບື້ອງຕົ້ນປະມານ 1,500,000,000 kip(ຫຼືທຽບເທົ່າ 190,000 USD ໂດຍປະມານ).

LGE ໄດ້ຢຶດໝັ້ນໃນຈຸດຢືນຂອງຕົນເອງໂດຍໝູນໃຊ້ທ່າແຮງຈາກປະສົບການຕົວຈິງ ທາງດ້ານການດຳເນີນທຸລະກິດ ແລະ ໃນຂະແໜງວິສະວະກຳໂຍທາ,ສຳຫຼວດອອກແບບໂຄງສ້າງພື້ນຖານ ແລະ ສຳຫຼວດເກັບກຳຂໍ້ມູນສຶກສາໂຄງການ ແລະ ອື່ນໆ.

LGE ໄດ້ສະແດງ ແລະນໍາສະເໜີຂີດຄວາມສາມາດຂອງຕົນໃນ ສປປລາວລວມເຖິງລະດັບສາກົນ ເຊິ່ງໄດ້ສະແດງອອກໃນໂຄງການສາກົນທີ່ໄດ້ຮັບມອບໝາຍໃຫ້ພວກເຮົາຈັດຕັ້ງປະຕິບັດໂຄງການບົນພື້ນຖານຂີດຄວາມສາມາດ ແລະ ທ່າແຮງທີ່ບົ່ມຊ້ອນພາຍໃນຂອງພວກເຮົາ.
LGE ໄດ້ນໍາສະເໜີໂຕເອງໃນຮູບແບບທຸລະກິດນິຕິບຸກຄົນພາຍໃນປະເທດ ແຕ່ບົນພື້ນຖານຄວາມຮູ້ຄວາມສາມາດ ແລະ ປະສົບການແບບມາດຕະຖານສາກົນ.
LGE ປະກອບດ້ວຍທີມງານທີ່ມີປະສົບການທັງພາຍໃນ ແລະຕ່າງປະເທດໃນລະດັບວິຊາສະເພາະທີ່ແນ່ນອນ, ເຊິ່ງວ່າບົນພື້ນຖານດັ່ງກ່າວໄດ້ສົ່ງຜົນໃຫ້ LGE ໄດ້ກ້າວຂຶ້ນມາຢືນຢູ່ໃນແຖວໜ້າຂອງບໍລິສັດທີ່ປຶກສາໃນ ສປປລາວ.

ຈາກໄລຍະເລີ່ມຕົ້ນດໍາເນີນທຸລະກິດເຖິງປະຈຸບັນ LGE ໄດ້ຮັບຄວາມເຊື່ອໝັ້ນແລະໄວ້ວາງໃຈຈາກຜູ້ວ່າຈ້າງ ແລະ ບໍລິສັດຮ່ວມຄູ່ຮ່ວມ ຢູ່ໃນລະດັບທີ່ໜ້າເພິ່ງພໍໃຈພ້ອມກັບມາດຖານວຽກ ແລະ ການສົ່ງມອບຜະລິດຕະພັນຕາມກໍານົດເວລາ.

ຄຸນຄ່າທີ່ LGE ຍຶດຖື
LGE ກັບຈຸດຢືນຍຸດທະສາດແມ່ນ:

• ເອົາໃຈໃສ່ ແລະ ສູ້ຊົນໃນວຽກງານທີ່ປະຕິບັດດ້ວຍໃຈມັກ
• ໃຫ້ບໍລິການ ແລະ ປະຕິບັດວຽກໃຫ້ດີທີ່ສຸດແກ່ຜູ້ວ່າຈ້າງ
• ສູ້ຊົນຢ່າງຕັ້ງໜ້າເພື່ອໃຫ້ຜົນງານອອກມາດີທີ່ສຸດ
• ເປັນຜູ້ໃຫ້ບໍລິການດ້ານທີ່ປຶກສາທີ່ໜ້າເຊື່ອຖື